Cofnodion cryno - Y Pwyllgor Cyfrifon Cyhoeddus

Lleoliad:

Ystafell Bwyllgora 3 - Senedd

Dyddiad: Dydd Mawrth, 19 Mai 2015

Amser: 09.02 - 11.05
Gellir gwylio’r cyfarfod ar Senedd TV yn:
http://senedd.tv/cy/2733

Yn bresennol

Categori	Enwau
Aelodau’r Cynulliad:	Darren Millar AC (Cadeirydd) Jocelyn Davies AC William Graham AC Mike Hedges AC Sandy Mewies AC Julie Morgan AC Jenny Rathbone AC Aled Roberts AC
Tystion:	Steve Clarke, Welsh Tenants Federation Mike Halloran, Wales & West Housing David Lloyd, TPAS Cymru Claire Maimone, Neath Port Talbot Homes Jim McKirdle, Cymdeithas Llywodraeth Leol Cymru Steve Porter, Wales & West Housing Linda Whittaker, Neath Port Talbot Homes
Staff y Pwyllgor:	Michael Kay (Clerc) Claire Griffiths (Dirprwy Glerc) Joanest Varney-Jackson (Cynghorydd Cyfreithiol) Hannah Johnson (Ymchwilydd) Nick Selwyn (Cynghorwr Arbenigol) Huw Vaughan Thomas (Cynghorwr Arbenigol)

<AI1>

Trawsgrifiad

Gweld trawsgrifiad o’r cyfarfod.

</AI1>

<AI2>

1 Cyflwyniadau, ymddiheuriadau a dirprwyon

1.1 Croesawodd y Cadeirydd yr Aelodau i'r cyfarfod.

1.2 Ni chafwyd ymddiheuriadau.

</AI2>

<AI3>

2 Papurau i’w nodi

2.1 Nodwyd y papurau. Cytunodd y Pwyllgor y dylai'r Clercod gael eglurhad pellach gan Gyngor Powys a Chyngor Rhondda Cynon Taf ar nifer y swyddi gwag a pha adrannau oedd â'r swyddi 'anodd eu llenwi'.

</AI3>

<AI4>

2.1 Rheoli Ymadawiadau Cynnar: Llythyr oddi wrth Jeremy Patterson, Prif Weithredwr Cyngor Sir Powys (7 Mai, 2015)

</AI4>

<AI5>

2.2 Rheoli Ymadawiadau Cynnar: Gwybodaeth ychwanegol gan Rhondda Cynon Taf am ymadawiadau cynnar

</AI5>

<AI6>

2.3 Cadernid Ariannol Cynghorau yng Nghymru: Llythyr gan June Milligan, Cyfarwyddwr Cyffredinol Llywodraeth Leol a Chymunedau (14 Mai 2015)

</AI6>

<AI7>

3 Diwygiad Lles: Sesiwn Dystiolaeth 3

3.1 Clywodd y Pwyllgor dystiolaeth gan Steve Clarke, Rheolwr Gyfarwyddwr, Tenantiaid Cymru a David Lloyd, Cyfarwyddwr, TPAS Cymru ar ei ymchwiliad i ddiwygio lles.

3.2 Cytunodd Steve Clarke i anfon ffigurau am nifer y tenantiaid dan 21 oed sydd ar hyn o bryd yn meddiannu eiddo un a dwy ystafell wely.

3.3 Pan oedd yr Aelodau'n ystyried y dystiolaeth a gafwyd, gofynnwyd i Steve Clarke ddarparu nodyn ynglŷn â pham ei fod yn credu y dylai gweinyddu budd-dal tai gael ei ddatganoli. 

</AI7>

<AI8>

4 Diwygiad Lles: Sesiwn dystiolaeth 4

4.1 Clywodd y Pwyllgor dystiolaeth gan Jim McKirdle, Swyddog Polisi Tai, Cymdeithas Llywodraeth Leol Cymru; Linda Whittaker, Prif Weithredwr, a Claire Maimone, Cyfarwyddwr Tai ac Adfywio, Cartrefi Castell-nedd Port Talbot (NPTHomes); Steve Porter, Cyfarwyddwr Gweithrediadau, a Mike Halloran - Rheolwr Tai, Tai Wales & West ar ei ymchwiliad i ddiwygio lles.

4.2 Cytunodd Steve Porter i anfon manylion am faint o'r 200 o gartrefi sy'n cael eu hadeiladu ar hyn o bryd fydd yn dai un neu ddwy ystafell wely, a'r hyn y mae hynny'n cyfateb iddo fel canran y tai y mae Tai Wales & West yn eu hadeiladu ar hyn o bryd. Hefyd, faint o'r 1000 o gartrefi arfaethedig sydd i'w hadeiladu yn ystod y pum mlynedd nesaf fydd yn dai un neu ddwy ystafell wely.

4.3 Cytunodd Jim McKirdle i ddarparu nodyn ar y canlynol:

· polisi'r awdurdodau lleol ar gyfer trosglwyddo tai pan fydd gan denant ôl-ddyledion tai. Pan oedd yr aelodau'n ystyried y dystiolaeth a gafwyd, gofynnwyd am gael gweld copi o'r cytundeb Taliadau Tai yn ôl Disgresiwn.

· pa ddau awdurdod lleol sydd heb ymrwymo i'r cytundeb.

· un ar ddeg awdurdod lleol sydd â chynlluniau i adeiladu tai cymdeithasol gan gynnwys y nifer arfaethedig o dai y maent yn dymuno eu hadeiladu.

· ffigurau ynglŷn â nifer y tenantiaid ag anableddau sydd wedi cael eu heffeithio a'u hail-leoli o ganlyniad i'r polisi.

· a yw awdurdodau lleol yn ystyried Lwfans Byw i'r Anabl wrth ystyried Taliadau Tai yn ôl Disgresiwn.

</AI8>

<AI9>

5 Cynnig o dan Reol Sefydlog 17.42 i benderfynu gwahardd y cyhoedd o’r cyfarfod ar gyfer y busnes canlynol:

5.1 Derbyniwyd y cynnig.

</AI9>

<AI10>

6 Diwygiad Lles: Ystyried y dystiolaeth a ddaeth i law

6.1 Ystyriodd y Pwyllgor y dystiolaeth a ddaeth i law.

</AI10>

<AI11>

7 Trefniadau Cyflenwi ar gyfer Absenoldeb Athrawon:

7.1 Cytunodd y Pwyllgor ar y llythyr drafft yn amodol ar newid ar ddiwedd paragraff 2.

</AI11>

<TRAILER_SECTION>

</TRAILER_SECTION>

<LAYOUT_SECTION>

1.FIELD_TITLE

FIELD_SUMMARY

</LAYOUT_SECTION>

<TITLE_ONLY_LAYOUT_SECTION>

2.FIELD_TITLE

</TITLE_ONLY_LAYOUT_SECTION>

<HEADING_LAYOUT_SECTION>

FIELD_TITLE

</HEADING_LAYOUT_SECTION>

<TITLED_COMMENT_LAYOUT_SECTION>

FIELD_TITLE

FIELD_SUMMARY

</TITLED_COMMENT_LAYOUT_SECTION>

<COMMENT_LAYOUT_SECTION>

FIELD_SUMMARY

</COMMENT_LAYOUT_SECTION>

<SUBNUMBER_LAYOUT_SECTION>

2.1FIELD_TITLE

FIELD_SUMMARY

</SUBNUMBER_LAYOUT_SECTION>

<TITLE_ONLY_SUBNUMBER_LAYOUT_SECTION>

2.2FIELD_TITLE

</TITLE_ONLY_SUBNUMBER_LAYOUT_SECTION>